Në ekranin e ABC, mbrëmjen e sotme startoi emisioni më i ri i humorit në Shqipëri, “Kosherja”.
Vëmendje të madhe kanë tërhequr dy moderatorët e “Kosheres”, Jona Spahiu dhe aktori i humorit, Bes Kallaku.
Ai, përveçse do të drejtojë programin, do të sjellë në skenë edhe gjitha rolet e tij më të njohura, nga “Skifteri” deri te “Mbështetësi i PD-së”.
Besi ndër të tjera, ka treguar dhe detaje përsa i përket jetës personale.
Ai ka dialoguar me kolegen e tij Jona Spahiun, dhe është shprehur me humor se për femrat nuk mjafton vetëm festa e 8 Marsit, pasi dhurata marrin për çdo ditë.
“E pashë në Instagram që kishe bërë një goxha dedikim për gratë e jetës tënde, u mjaftove vetëm me ato foto në Instagram, apo i bërë edhe ndonjë dhuratë?”, e pyeti Jona.
Ndërkohë Besi nuk hezitoi dhe u përgjigj me batutat që e karakterizojnë në emër të të gjithë burrave shqiptarë:
“Dhuratë ne kemi për çdo ditë. Po dhurata për Ajkën, dhurata për Xhensilën, pastaj se ç’keni gjetur ketë shprehjen që ne na mjafton një tufë me lule. Në mëngjes e thoni këtë se në darkë pastaj thoni po për ndonjë dhuratë nuk u kujtove”, Besi u përgjigj me batutat që e karakterizojnë.
