Ditën e sotme më e vogla e familjes Mamaqi, Sia feston 3-vjetorin e lindjes. Për t’ja bërë sa më të veçantë këtë ditë vogëlushes së tyre, Ami dhe Ermali kanë organizuar një super festë ditën e sotme për të.
Çifti i njohur kanë ndarë në rrjete sociale disa foto nga festa dhe si rrallëherë ata kanë publikuar edhe foto të portretit të plotë të vogëlushes. Në fotot e publikuara Ami dhe Ermali shihen të veshur me të bardha, teksa qëndrojnë pranë tortës së ditëlindjes së Sias. E vogla duket se ka një ngjashmëri shumë të madhe me Amin dhe me siguri kur të rritet do të jetë një vajzë po aq e ëmbël dhe e suksesshme sa mami.
Përkrah fotove të ditëlindjes, Ami i ka bërë dhe një dedikim shumë të bukur vogëlushes.
“3 vjet më parë Sia e ndriçoi jetën tonë siç bëjnë vajzat… që nga ajo ditë e deri në fund përjetë bashkë të pandarë!”, ka shkruar Ami.
View this post on Instagram
Kujtojmë se disa ditë më parë edhe Ami festoi 39-vjetorin e lindjes. Për të kjo ishte një nga ditëlindjet më speciale, sepse mori dy supriza speciale, një nga stafi i saj dhe një nga Ermali. Ky i fundit kishte angazhuar gjithë stafin e “Dua të të bëj të lumtur” dhe njerëzit më të afërt të Amardës për ta surprizuar në ditën e saj të lindjes.
