Mbrëmja e Shën Valentinit duket se e joshi modelen Kendall Jenner për të bërë publike romancën e saj.
Zyrtarisht, ylli i familjes Kardashian është në lidhje me basketbollistin Devin Booker. I shte vetë Kendall ajo që përmes një postimi në Instagram Story shpërndau një fotografi, teksa gjendej e përqafuar me lojtarin e NBA-së.
Jenner ka preferuar gjatë gjithë kësaj kohe ta mbajë jetën e saj private jashtë vëmendjes mediatike, por në fillim të shkurtit, një burim i afërt me të rrëfeu për “Entertainment Tonight”, se çfti është ende bashkë dhe se po marrëdhënia po funksionon.
Sipas të njëjtin burim, sekreti duket se është fakti që të dashuruarit po i marrin gjërat shtruar.
“Nuk kanë pritshmëri të larta dhe nuk janë zotuar në premtime të çmendura. Axhenda e Kendall-it është shumë e zënë dhe Devin e kupton këtë gjë fare mirë. Ajo është tepër individualiste në disa gjëra, i pëlqen të ketë hapësirën e saj dhe kohë me familjen dhe miqtë”.
Por në fakt nuk ka qenë vetëm kjo! Kendall ka pritur që familja e saj të japë “miratimin” përfundimtar për basketbollistin, para se ajo të bënte gjërat zyrtare me të.
Për modelen është tepër i rëndësishëm opinioni i familjes, ndaj ka dashur me patjetër që Booker t’i hyjë në zemër edhe personave të dashur të saj.
Ndaj ajo ka pritur kaq gjatë për të ndarë foton e shumëpritur me yllin e basketbollit, duke u kthyer menjëherë në çiftin më të komentuar të momentit.
Por prisni se ka akoma! Nuk është çudi që të marrim vesh shumë shpejt ndonjë lajm shtatzënie, pasi dëshira e vetme e modeles është të bëhet nënë. Duke qenë se të gjitha motrat e saj janë tashmë nëna, po ashtu edhe shumica e mikeshave, Kendall ka shprehur dëshirën të bëhet mami.
Këtë ajo e thotë edhe në sezonin e fundit të “Keeping Up With the Kardashians”.
Teksa sheh motrat me fëmijët, Kendall shpreh dëshirën për të pasur një bebush sa më parë.
