Si Enca po ashtu edhe Ardian Bujupi numërojnë shumë bashkëpunime në karrierën e tyre muzikore. Mirëpo si thoni sikur dy artistët të vinin me një duet me njëri-tjetrin?
Mbrëmjen e sotme dy këngëtarët janë lidhur me njëri-tjetrin gjatë një videoje live në Instgaram. Teksa ishin duke biseduar me njëri-tjetrin, Enca pyeti fansat “Si mendoni për një bashkëpunim mes nesh?”. Kaq mjaftoi dhe ndjekësit e tyre nisën menjëherë nga komentet, duke u shprehur shumë të kënaqur nëse dy këngëtarët do të vinin vërtetë me një bashkëpunim. Në fakt kjo pyetje e Encës nuk besojmë të ketë lindur nga hiçi, ndaj tani të gjithë do të presim gjithë sy e vesh për të mësuar diçka më shumë nga ky bashkëpunim mes tyre.
Pas videos live në Instagram, Enca dhe Ardiani publikuan në profilet e tyre projektet e fundit muzikore të njëri-tjetrit, diçka që i shton akoma më shumë dyshimet se ata kanë “gatuar” diçka së bashku.
Aktualisht dy këngëtarët po shijojnë sukseset e këngëve të fundit që kanë lançuar. Gati 1 javë më parë, Enca publikoi këngën “Nashta”, që fansat po prisnin prej kohësh dhe për momentin numëron 1 milionë klikime në Youtube. Ndërsa Ardiani publikoi para 3 ditësh këngën “Ka je bonita”, që ishte mjaft ritmike dhe u prit shumë mirë nga publiku.
