Reperi i njohur shqiptar, Mozzik, së shpejti do të depërtojë në industrinë e “hookah”.
Mësohet se është bërë çdo gjë gati për lançimin në treg të shijeve të ndryshme të shisha-ve të ideuara dhe konceptuara nga vetë Mozzik.
Janë krijuat shtatë shije të ndryshme dhe të personalizuara duke iu përshtatur preferencave të ndryshme dhe së shpejti do të nisë prodhimi i tyre.
“Madam” quhet një nga shijet dhe kjo i bëri ndjekësit e reperit të mendojnë menjëherë se i dedikohet Loredanës falë edhe projektit të dikurshëm të përbashkët.
Ky premtim është që përveçse në shije, ato të bëjnë diferencën edhe në aspektin e cilësisë që do jetë “tjetër nivel”.
Mësohet se së fundmi, Mozzik ka blerë një shtëpi të re në qytetin e tij, Ferizaj.
Këtë lajm, ai e ka zbuluar përmes një fotografie që ka postuar në InstaStory. Vihet re se në këtë foto, reperi po nënshkron kontratën me përfaqësuesit ligjorë të lagjes.
“Nga sot zyrtarisht banor i lagjes më të bukur”, ka shkruar reperi.
Së fundmi, reperi ka qenë mjaft i komentuar në rrjet për marrëdhënien e tij me Loredanën. Ato janë rikthyer në krahët e njëri-tjetrit dhe së bashku me vogëlushen e tyre, Hanën kanë jetuar ditë mjaft të bukura. Pas udhëtimit në Milano, që sipas Mozzik-ut është qyteti më i bukur i Italisë, familja ka udhëtuar drejt Dubait. Gjatë asaj kohe Mozzik ka postuar në rrjete sociale edhe fotografi me Loredanën.
