Në tetor të 2020-s mësuam se këngëtarja e njohur, Shkurte Gashi ishte në pritje të fëmijës së saj të parë, por shtatzëninë e mbajti të fshehtë. Ndërkohë në muajin dhjetor ajo solli në jetë një djalë, që vendosi ta quante Mal.
Duke u përpjekur që ta mbajë të fshehtë jetën e saj private, Shkurtja nuk ka reaguar fare në lidhje me këto lajme. Gjatë shtatzënisë nuk e pamë kurrë me barkun e rrumbullakosur dhe as pas lindjes nuk postoi gjë në rrjete sociale. Madje këngëtarja e ka mbajtur të fshehtë edhe identitetin e partnerit të saj, i cili e bëri nënë për herë të parë. Megjithatë disa muaj më parë, fansat e Shkurtes zbuluan se partneri i saj quhej Albert dhe pak javë pas lindjes u publikua fotografia e parë e tij dhe vogëlushit Mal.
Megjithatë Shkurtja duket se ka filluar të “thyejë rregullat” dhe nuk ka mundur t’i mbajë vetëm për vete dhuratat që partneri i ka bërë për ditëlindje. Ditën e sotme këngëtarja feston ditëlindjen dhe ka zbuluar se ka marrë një surprizë mjaft speciale nga bashkëshorti.
Ky i fundit i ka bërë një tortë me inicialet e markës “Louis Vuitton” dhe në të shkruhet: “Urime ditëlindja Shkurte Gashi”.
Gjithashtu Alberti i ka bërë një varse dhuratë këngëtares, në të cilën i ka bërë dhe një dedikim shumë romantik. “Në sytë e tu është lumturia ime”, ka shkruar ai në varse.
“Faleminderit dashuria ime”, ka shkruar Gashi përkrah fotos së dhuratave.
