Fansat i kanë vënë gjithmonë në dukje Kylie Jenner faktin se ngjason shumë me motrën e saj më të madhe, Kim Kardashian. 23-vjeçarja po shndërrohet në një kopje të Kim dhe ky mendim u përforcohet çdo ditë e më shumë fansave.
Yjet e “KUWTK” nuk ngjasonin fare me njëra-tjetrën kur isha më të vogla, por me rritjen e Kylie Jenner gjithçka ka ndryshuar. Ndërkohë që ato të dyja kanë të njëjtën nënë, Kris Jenner, babai i Kim është i ndjeri Robert Kardashian, ndërsa i ati i Kylie-t quhet Caitlyn Jenner, më herët i njohur si Bruce. Fakti që ato të dyja nuk kanë lidhje të fortë në gjenetikë me njëra-tjetrën, i habit akoma më shumë fansat për këtë ngjashmëri kaq të madhe.
Së fundmi Kylie Jenner është parë duke festuar me disa mikesha të saj dhe në fotot e publikuara në rrjet ajo duket si motra binjake e Kim. Pavarësisht se fytyrën e kishte të mbuluar me maskë, dallohej lehtësisht se Kylie ka një ngjashmëri të frikshme me motrën e saj.
Ndërkohë fansat mendojnë se kjo është rezultat i kirurgjisë plastike, të cilën ato e kanë mohuar vazhdimisht. Kim nuk ka pranuar të ketë kryer ndërhyrje në fytyrë apo trup, ndërsa Kylie ka insistuar se vetëm ka mbushur buzët.
