Në muajin shtator, çifti i njohur Elita Rudi dhe reperi Gjiko zbuluan se do të bëhen prindër për herë të dytë. Dyshja e njohur publikoi një video në rrjete sociale, përmes së cilës dhanë lajmin e bukur dhe zbuluan gjininë e fëmijës njëkohësisht. Shtatzënia e dytë e Elitës erdhi e papritur për publikun, sepse vetëm 1 vit më parë ata u bënë prindër të një djali. Në fakt ky fëmijë i dytë nuk ka qenë i planifikuar as për çiftin, por mjaft i dëshiruar.
View this post on Instagram
Tashmë Elita është në tremujorin e fundit të shtatzënisë dhe shumë shpejt më e vogla e shtëpisë do të vijë në jetë. Ditën e sotme moderatorja ka publikuar në rrjete sociale një foto dhe ka treguar se si po e kalon këtë periudhë. Në foto ajo e shihet e ulur në një divan, teksa është duke konsumuar ushqim në një tas. Barku i saj është rritur shumë që nga hera e fundit që e kemi parë Elitën dhe ajo është shprehur me shaka se tani ndihet si një balenë. Elita duket se po e shijon në maksimum këtë periudhë, për t’u kujdesur që të sjellë në jetë një fëmijë të shëndetshëm.
Ndërkohë të ftuar disa muaj më parë në emisionin “NIN”, Elita dhe Gjiko thanë se e kanë zbuluar emrin për vogëlushen e tyre, që njësoj si emri i vëllait, Zërit, është shumë i veçantë.
“Në familjen tonë nuk thuhet a e keni gjetur, por a e keni zbuluar, sepse një emër unik duhet zbuluar. Për ne çdo fëmijë është unik dhe duhet gjetur një emër unik, siç janë të gjithë njerëzit”, tha Gjiko, pa e treguar emrin që kanë zgjedhur.
