Para disa ditësh është njoftuar se Princi Philip, burri i Mbretëreshës britanike, Elizabeta II, ishte shtruar në spital “si masë parandaluese”, pas këshillimit me mjekun e tij.
“Princi 99-vjeçar është dërguar në Spitalin e Londrës, “Mbreti Edëard VII”, në mbrëmjen e 17 shkurtit, pasi nuk ka qenë mirë me shëndet”, është thënë në njoftimin e pallatit.
BBC ka cituar disa burime brenda pallatit të kenë thënë se ai nuk është ndjerë mirë për disa ditë, dhe se kjo gjë nuk është e lidhur me sëmundjen që shkakton koronavirusi, pasi nuk ka simptoma që lidhen me të.
Kujtomë se bashkëshorti i Mbretëreshës ka kaluar gjashtë net në spital pasi u ankua se nuk ndihej mirë javën e kaluar.
Së fundmi, sipas deklaratve të pallatit mbretëror, ai do të vazhdojë të qëndrojë edhe për disa ditë në spital deri sa të bëhet me mirë.
Muajin e kaluar, pallati ka njoftuar se Princi Philip dhe mbretëresha 94-vjeçare janë vaksinuar kundër COVID-19.
Çifti ka qenë duke kaluar masën e izolimit në Angli në Kështjellën Ëindsor.
Princi Philip është pensionuar nga detyrat publike më 2017 dhe rrallë paraqitet në publik.
Nëntorin e kaluar, Mbretëresha dhe Princi Philip festuan përvjetorin e martesës, duke shënuar kështu plot 73 vite së bashku.
