Kemi dëgjuar kaq shumë të flitet për familjen mbretërore britanike sa tanimë njohim çdo anëtar të mundshëm të pallatit. Por ajo që shumë pak dinë është se shpesh, veshjet e tyre në daljet publike nuk kanë qenë të rastësishme dhe kurrsesi të zakonshme. Më poshtë do të ndeshni disa nga rastet kur rrobat “folën” shumë, më shumë seç mund ta mendoni.
Lady Di e veshi këtë fustan për t’u çliruar
Ishte qeshori i vitit 1994, kur Princeshë Diana do të pushtonte titujt e gazetave dhe revistave për shkak të shkeljes së etikës mbretërore. Nga pantallonat e gjera dhe të gjata, ajo do të shfaqej me një fustan mbi gju. Po atë ditë, Princi Charles rrëfeu në një intervistë se po, kishte patur një lidhje me Camilla Parker Bowles-in.
Çanta e Princeshë Beatrice-s
Në vitin 2018, kushërira e William-it dhe Harry-t do të shfaqej në një garë hipizmi me një çantë që rrëmbeu vëmendjen e të gjithëve. Në të shkruhej:
“Ji i mirë”, mesazh ky që erdhi si një moto e fushatave kundër bullizmit, në të cilat Beatrice bën pjesë.
George i vogël mban gjithmonë pantallona të shkurtra
Veshja e pantallonave të shkurtra është karakteristikë e klasës së mesme, çka nënkupton se në kujtesën e publikut po injektohet dita-ditës imazhi popullor i mbretit të ardhshëm të Anglisë.
Ngjyrat e ndezura të Elizabetës II
Siç mund ta keni vënë re, Mbretëresha Elizabetë II preferon të dallohet gjithmonë në mesin e turmës falë veshjeve të ndritshme. Në këtë mënyrë ajo arrin të shquhet lehtësisht dhe njerëzit mund të jenë në gjendje të thonë: Pashë Mbretëreshën!
