Së fundmi, Arjan Konomi ishte i ftuar në “Kojshia Show”, ku tregoi diçka më shumë rreth jetës së tij personale, përfshirë këtu karrierën shumëvjeçare në gazetari si dhe sigurisht, nuk munguan komentet për konkurrentët e emisionit të dashurisë. Fillimisht, Konomi u pyet për marrëdhënien Tea-Beart. A do t’u shkonte opinionisti në dasmë?
“Të rinjtë duhet të shkojë aty ku i çon zemra. Unë zakonisht i pranoj të gjitha ftesat që më vijnë, është shenjë respekti”, u shpreh Arjani.
Më tej ai u ndal në një ngjarje që duket se ka shënjuar jetën e tij. Bëhet fjalë për kohën e luftës së Kosovës, ku Arjani punonte si gazetar për mediat italiane dhe madje kishte realizuar shkrimin e parë për UÇK-në. Tepër i emocionuar, opinionisti tregoi se si dikur, për pak rrezikoi edhe jetën.
“Albin Kurtin dhe Bujar Dugollin i kam njohur që atëherë kur ishin student, ata studentë me shpresa të mëdha. Në një moment mbeta keq në stacionin e autobusëve dhe kur shkova për te Hotel Grandi ishte banda e Arkanit. Ishte policia serbe dhe nuk po arrija të kontaktoja me Albinin se kisha ardhur, por nuk kisha celular në atë kohë. Kisha një mënyrë për ta kontaktuar që ma kishte dhënë një italiane, por më ka shpëtuar një mik i imi Fadil Ismajli. Po ta zbulonin se kisha pasaportë të Shqipërisë, jeta ime ishte në rrezik. Mund të më vrisnin serbët. Pastaj Albini më strehoi te një familje te Kodra e Trimave që jam munduar ta kujtoj emrin dhe që atje kam lëvizur për në Prizren, Gjakovë e Pejë”.
Po kështu, Arjani foli edhe rreth marrëdhënies së stisur, Tea-Andi, duke i mëshuar deklaratës së tij, se romanca në fjalë u përdor për përfitime emocionale. Konomi u ndal edhe te reagimi i publikut në lidhje me skandalin e trekëndëshit të dashurisë Andi-Tea-Beart, ku sërish i prekur rrëfeu se publiku asokohe pësoi krisje të besimit që kishte në figurën e tij, ndonëse sipas këtij të fundit ai nuk ishte kurrsesi në dijeni se çfarë po ndodhte.
