Mbrëmjen e sotme, konkurrentja Sindi Loci u rikthye në “Për’puthen” pas një deklarate në rrjete sociale se dëshironte t’i kërkonte falje Julit për debatin e “vajit të Borshit”, produksionit dhe publikut.
Mirëpo, pasi u rikthye në emision, Sindi u vendos përballë Julianit dhe nuk vendosi t’i kërkojë falje, por t’i kërkojë llogari për batutën e tij.
Debati agravoi në studio mes konkurrentëve dhe Arjan Konomit, teksa opinionisti i kërkoi Sindit të mos përpiqej të hiqte fajin nga vetja duke i kërkuar llogari të tjerëve.
View this post on Instagram
Debatin e tyre e ka ndjekur edhe ish-konkurrenti Fation Kuqari, i cili s’ka duruar dot më gjatë dhe ka dhënë komentin e tij nëpërmjet rrjeteve sociale.
Ai ka publikuar një foto të Sindit, të cilës i ka vendosur një emoji të madh në fytyrë, teksa shkruan se ajo i duket njeriu më antipatik dhe i vjen të thyejë televizorin kur e sheh.
“Booo nëse do e thyej TV, i vetmi person do të jetë për këtë… Shkatërrim nervash. Ndjesë të gjithëve se s’doja të reagoja fare, po shumë antipatike.”- shkruan ai.
Ndërkohë, s’ka ende asnjë reagim nga Sindi në rrjete sociale.
