Dy ditë më parë, çifti më i njohur e i komentuar në mbarë botën, Kim Kardashian dhe Kanye West i kanë dhënë fund martesës së tyre. Siç raportojnë mediat e huaja, Kim ka firmosur më 19 shkurt, letrat e divorcit nga partneri dhe ndarja e tyre ishte tepër paqësore.
Ata nuk ia dolën dot të mbajnë martesën e tyre dhe pas 6 vitesh, kanë vendosur të vazhdojnë në drejtime të ndara në jetët e tyre. Sipas “TMZ”, Kim ka këruar kujdestarinë e 4 fëmijëve.
Sipas burimeve pranë dyshes, 2020 kanë qenë një vit në të cilin çifti tentoi të shpëtonte marrëdhënien e tyre dhe t’i jepnin njëri-tjetrit një shans. Mirëpo, duket se gjithçka ka qenë e kotë dhe durimi i Kim-it erdhi në një pikë ku s’mund të përballonte më shumë.
Pavarësisht zërave lart e poshtë për persona të tretë në këtë histori, asgjë s’ka qenë e vërtetë. Askush s’ka hyrë mes tyre dhe s’ka ndikuar në vendimin për ndarje.
E vetmja arsye që çoi në këtë vendim ishte lodhja e Kim, pas përpjekjeve të shumta për të shpëtuar martesën.
Kim u përpoq “me mish e me shpirt” për të kaluar krizën në çift, por nuk ia doli. Ndaj, shanset e saj për reperin përfunduan.
Thuhet se po realizohet një parapërgatitje sa i takon ndarjes së parave, pronave apo sendeve me vlerë dhe se të dyja palët kanë rënë dakord të ndodhë diçka e tillë dhe madje asnjëri prej tyre nuk po e konteston marrëveshjen. Jo vetëm kaq, por disa burime shprehen se ish-çifti ndodhet në fazat e arritjes së një dakordësie për zgjidhjen e çështjes në fjalë.
Sipas Forbes, Kim vlerësohet të ketë 900 milionë dollarë pasuri, prej bizneseve të saj. Nga ana tjetër, reperi i gëzohet një vlere neto që kap shofrën 1.2 miliardë dollarë. Pak para dasmës së tyre në vitin 2014, dyshja punësoi avokatë për të përgatitur një dokument paraprak në rast divorci. Sipas burimeve që folën asokohe me RadarOnline themeluesja e Skims do të merrte 1 milion dollarë për çdo vit që kishte qëndruar e martuar, në rast ndarjeje.
Po kështu, Kardashian pritet të mbajë edhe shtëpinë e tyre në Bel Air, e cila u vu nën emrin e saj, pavarësisht se Kanye pagoi për pjesën më të madhe të saj. Nisur nga çfarë u deklarua dikur, nëse ndodhte divorci, Kim gjithashtu do të përfitonte të gjitha dhuratat e kushtueshme dhe bizhuteritë që iu dhanë nga Kanye, duke përfshirë një çantë Hermes të pikturuar me dorë $ 40,000, disa rrathë Cartier me vlerë të paktën 35,000 $ secili dhe një Mercedes-Benz G550 SUV me vlerë së paku 227,000 dollarë. Kim do të përvetësojë edhe paratë që fitoi nga linja e veshjeve Kardashian, SKIMS, KKW, pasi ato konsiderohen të ardhurat e saj personale dhe të ndara nga ish-bashkëshorti.
Kim dhe Kanye u martuan në 24 maj të vitit 2014, pas një romance që nisi në prill të vitit 2012.
