Këngëtarja e hitit “Criminal”, Natti Natasha, ka dhënë lajmin më të bukur të jetës së saj në rrjete sociale.
Shumë pak pasi lajmëroi se i kishte dhënë fund beqarisë, Natasha tregoi se po bëhet nënë për herë të parë.
Madje, së bashku me këtë lajm të gëzueshëm, këngëtarja ndau edhe foto me barkun e rrumbullakosur.
Ajo dhe i fejuari i saj, Raphy Pina do të bëhen së shpejti prindër për herë të parë dhe çifti është në qiellin e shtatë nga gëzimi.
View this post on Instagram
Natasha është në muajin e pestë të pritjes së ëmbël dhe këtë lajm e kishte mbajtur deri tani super të fshehtë.
Në një intervistë për “People Espanol”, këngëtarja ka treguar se i është dashur të bëjë fekondim in vitro për të mbetur shtatzënë, për shkak të cisteve që kishte hequr në të kaluarën. Po ashtu, ajo ka hequr dhe një tub fallopian.
“Një provë tjetër që gratë janë luftëtare dhe kur Zoti thotë PO nuk ka asgjë që të pengon. Lumturia që ndjej në zemër është e pafundme”- shkroi Natti në llogarinë e saj në Instagram, ku s’kanë munguar edhe poza të tjera me barkun e rrumbullakosur.
View this post on Instagram
