Gocat e “Për’Puthen” moderuan në vend të Borës, ndërsa Olsa e zgjodhi të preferuarën e saj!

Disa ditë më parë, moderatorja e emisionit “Për’puthen”, Bora Zemani, u infektua me Covid-19.

Kështu, asaj iu desh të izolohej për dy javë në shtëpi derisa të kalonte virusin, ndërsa iu bashkua programit herë pas here me videocall.

Lexo edhe :

Shakira pëson incident, përdredh kyçin e dorës dhe rrëzohet në koncert

17:56 10/02/26

Tre shenja të zodiakut po hyjnë në një fazë krejt të re romantike duke filluar nga sot

17:48 10/02/26

Emisioni mbeti për dy javë në dorën e vajzave të “Për’puthen”, të cilat moderuan me radhë programin dating më të komentuar në Shqipëri.

Madje, në moderim u bashkuan edhe dy ish-konkurrentet, Melisa dhe Ana, të cilat u larguan më herët nga emisioni.

Të gjitha vajzat dhanë “performancat” e tyre, por cila ishte e preferuara e Olsës? E pyetur nga ndjekësit në InstaStory, autorja e emisionit e ka dhënë një emër.

“Cila nga vajzat t’u duk më e mirë në prezantim kur mungoi Bora?”- shkroi ndjekësi, të cilit Olsa ia ktheu:

“Mendoj se Ana Kauri”- duke e shoqëruar me emojin e një zemre të kuqe.

Nuk do të ishte çudi nëse pas përfundimit të “Për’puthen”, Anën ta shihnim së shpejti në ekran si moderatore, pasi tregoi se kamera e do atë, po aq sa ajo e do kamerën.

Para pak ditësh Olsa Muhameti reagoi për herë të parë për skandalin më të bujshëm në “Për’puthen”, lidhjen e fshehtë Tea-Beart. Në një intervistë për “Top Albania Radio” ajo u shpreh se kishte indikacione që ata njiheshin bashkë dhe se madje ka prova që Tea ka pasur disa pëlqime brenda “Për’puthen”.

“Kisha indikacione që ata njihen, por jo se janë në një marrëdhënie. Kur mu tha në mes të janarit se janë në një lidhje kërkova fakte. Ashtu siç kërkova për Andin dhe Melisën.  Sepse s’mund të dal e të them se ‘Ne dyshojmë’ sepse është joprofesionale dhe në nivel thashethemaxhinjsh. Unë kam disa fakte që s’i kam bërë publike sepse s’doja të dëmtoja Tean. Asaj i plasi në duar një bombë dhe filloi të kërkonte fajtor. Dhe ne ishim preja më e lehtë. Duke kërkuar prenë tek ne ata menduan se do dalin të larë, por nuk ndodhi kështu. Është një video e cila mendoj se jemi duke e menduar. Nuk kam dashur t’i dëmtoj më shumë këta të rinj dhe tu shtoja peshën. Por, janë thënë gjëra të pavërteta, por do vijë dhe momenti kur unë do ta them këtë të vërtetë”, u shpreh Muhameti.