Reperja e njohur Megan Thee Stallion ka pranuar publikisht lidhjen e saj. Gjatë një videoje live në Instagram, ajo ka pranuar se ka nisur një romancë me Pardison Fontaine, pasi ai publikoi disa foto të tyre në ditën e Shën Valentinit.
Megan Thew Stallion, emri i vërtetë i së cilës është Megan Pete, zbuloi në videon live në Instagram, se Fontaine është i dashuri i saj dhe se ajo e pëlqen shumë.
“Nuk më pëlqeu çfarë po përpiqeshin të thoshin ata për Pardin, sepse ai është shumë i qetë dhe i ëmbël. Ai është kaq perfekt dhe nuk do të bënte asgjë për të më lënduar mua. Ju e dini të gjithë”, ka thënë ajo duke i dalë në mbrojtje partnerit për shkak të disa thashethemeve të përhapura në rrjete sociale për të.
Konfirmimi i lidhjes vjen pak ditë pasi ajo ngriti dyshimet se kishte një të dashur, teksa festoi 26 vjetorin e lindjes ditën e hënë.
“Unë jam e shëndetshme, unë mund të kujdesem për veten time, miqtë dhe familja ime më duan, i dashuri im më do (ai është i mërzitur me mua në këto momente, por ai vazhdon të më dojë)”, shkroi reperja në një postim në Twitter.
I’m healthy, I can take care of myself, my friends & family love me , my boo love me (he mad at me rn but he still love me) shiddd Beyoncé love me , I’m just happy and blessed lol
— TINA SNOW (@theestallion) February 16, 2021
