Vetëm 3 vajza kanë mbetur në garë për të fituar zemrën e Saimirit. Me të treja ato, Xhesin, Merin dhe Generdën, Saimiri zhvilloi ditën e sotme nga një takim shumë romantik. “Princi modern” kishte përgatitur disa surpriza speciale, por njërës prej tyre i shprehu hapur ndjenjat.
Gjatë takimit romantik në breg të detit me Generdën, Saimiri u shpreh se për të ka më shumë se pëlqim. Gjithashtu ai e falenderoi Generdën që ka bërë një sakrificë shumë të madhe dhe ka ardhur posaçësrisht nga Gjermania për t’u njohur me Saimirin.
“Sot dua që ta ndjej Generdën jo vetëm me fjalë, por çfarë ka në zemër, çfarë ndjen. Më kujtohet nga nata e parë që zbrite shkallët dhe deri tani ka kaluar koha shumë shpejt. Çdo takim me ty dhe çdo moment e kam shijuar vërtetë. E kam vlerësuar shumë që ke luftuar nga dita e parë deri sot për të arritur qëllimin që të përfundojmë bashkë. Prandaj dua të të falenderoj që ke ardhur këtu për mua. Kur nuk të shoh, mezi pres të të shoh prap! Unë kam më shumë se vetëm pëlqim ndaj teje”, u shpreh Saimiti teksa gjatë takimit të tyre nuk munguan as puthjet pasionante.
Më pas ai shtoi se gjithçka që ka thënë për të kanë qenë të vërteta me shpresën se i ka dhënë Generdës siguri që ata mund t’i realizojnë ëndrrat bashkë.
