Dj Stone dhe Miss Rose janë bërë shumë të njohur falë stilit të tyre të veçantë dhe përfshirjes në jurinë e “Kënga Magjike” për përzgjedhjen e artistëve të rinj. Ata të dy kanë 10 vite që janë të martuar me njëri-tjetrin, por kurrë nuk ka pasur një propozim klasik. Për këtë arsye Dj Stone pas 10 vitesh i ka propozuar publikisht Miss Rose.
Të ftuar në emisionin e pasdites me Gerta Gixharin, Dj Stone befasoi partneren e tij me surprizën e propozimit. Pas 10 vitesh ai i dha një unazë për herë të parë Miss Rose dhe i propozoi që ata bëjnë edhe një herë festën e martesës siç ata kanë dëshirë.
“Siç e thashë edhe pak më parë ngaqë lidhja jonë, edhe historia e dashurisë tonë ka ecur me hapa shumë të mëdhenj, unë nuk e kam bërë atë momentin magjik, që do të thosha më fiks atë propozimin magjik edhe standard që është një gjë shume e veçantë kundrejt Eridës dhe mendova dhe i kërkoj ndjesë publikisht këtu tani, dhe mendova qe t’ja bëj këtu. Faktikisht propozimi im nuk do të jetë a do të martohesh me mua pasi ne kemi 11 vjet të martuar, por ajo që doja ti thosha ‘A pranon që ne ta ribëjmë edhe njëherë festën e martesës ashtu siç duhet?’ A pranon?”, u shpreh Dj Stone.
Dj Miss Rose e pranoi propozimin e tij dhe tashmë të dy janë gati për të bërë së shpejti një dasmë të dytë.
