Mbrëmjen e djeshme në “Për’puthen” u transmetua takimi i parë mes Jasminës dhe Andit. Dyshja u shfaqën shumë të afërt me njëri-tjetrin e madje ky takim bëri xheloz vajzat e tjera. Ana, që ka qenë në rolin e prezantueses këto ditë, dje mori edhe pozicionin e opinionistes për të kritikuar Andin. Ajo e cilësoi djalin nga Kosova si të shtirur, pasi sillet njësoj me të gjitha vajzat.
“Unë do ta masakroj fare. Më dukesh i njëjtë me të gjitha vajzat, mundohet të bëjë të gjitha vajzat për vete. Problem i Andit është që mundohet të bëjë femrën shumë mirë. Është gjë pozitive, por për të gjitha nuk mund të jetë i njëjtë në gjendjen emocionale. Pas takimit me mua, dole me Melisën dhe i the që ndjen për të me anë të poezisë. Më pas del me Antonelën që po ashtu i bën poezi, me Jasminën që e shohim që do të jesh i afruar”, u shpreh Ana.
Gjatë takimit Andi dhe Jasmin nuk kursyen puthjet e përqafimet me njëri-tjetrin, gjë nuk është pritur shumë mirë nga një pjesë e publikut. Disa i kanë kritikuar që janë afruar aq shumë që në takimin e parë dhe Jasmina ju ka dhënë një përgjigje të gjithëve. Ajo ka publikuar në Instagram një video nga takimi me Andin dhe ka reaguar ashpër ndaj kritikave.
“Shikojini videot e puntaten e kthejini rrotullojini e shperfytyrojini sjelljen tone ne takim se ne fund te dites e vetmja “TABU” qe eshte thyer jan mendjet e vakta qe akoma quajn turp e pamoral dy te rinj qe sillen ashtu sic e ndjejn ne moment kur kan terheqje ndaj njeri tjetrit. Nuk keni faj , ju kurre sjeni perqafuar me dike , kurre sjeni afruar dhe kur jeni ngjizur prindrit tuaj i kan cuar lajmerim lejlekut me ju sjell nshpi se ata KURRE skan pasur kontakt fizik. Sherim te shpejt atyre qe ne vend te zemres kan pusete e ne vend te gjakut kan helm”, shkruan Jasmin.
