Djali nga Gjakova, Atdhe Xharavina, ka rrëmbyer zemrat e publikut e sidomos të gjinisë femërore me pjesëmarrjen e tij në “Për’puthen”.
Fillimisht, ai ra në sy për afeksionin e madh ndaj Ana Lleshit dhe gjestet e ëmbla të “dashurisë” për të. Mirëpo, pas përjashtimit të Anës nga emisioni, Atdheu realizoi disa takime shumë romantike me Melisën dhe më vonë u shpreh se kishte gjithashtu pëlqim për Sindin.
Mirëpo, pak ditë më parë konkurrenti u filmua jashtë ambienteve të emisionit, teksa shfaqej në pishinë me një vajzë misterioze.
Videoja bëri xhiron e rrjetit dhe për shkak të afrimitetit që shfaqej në ato pamje, u aludua se Atdheu kishte diçka jashtë emisionit.
Megjithëse ai reagoi rrjete sociale duke u shprehur se jo çdo femër me të cilën ai del, domosdoshmërisht do të ketë diçka më shumë se miqësi, askush nuk e besoi.
Deri pak minuta më parë, kur vetë Atdheu i ka zbuluar të gjithëve për çfarë bëhet fjalë.
Videoja kompromentuese e çiftit në pishinë ka qenë në fakt pjesë e një reklame që ai ka realizuar, të cilën e ka ndarë edhe me ndjekësit në InstaStory.
Kjo nuk është hera e parë që Atdheu “kryqëzohet” për takime të rastësishme me vajza jashtë emisionit, por duket se me të vërtetë s’paska asgjë për t’u shqetësuar!
