Nëpërmjet postimit të fundit në rrjete sociale, këngëtarja shumë e dashur për publikun, Dafina Zeqiri, ka paralajmëruar projektin e saj të ri i cili do të jetë super i veçantë.
Kënga e re e Dafinës do të titullohet “Duro” dhe na ndajnë edhe pak ditë nga lançimi i saj.
Për të na prezantuar me projektin e saj të ri, këngëtarja ka gjetur mënyrën më origjinale duke realizuar një video në TikTok.
Ajo ka marrë edhe 3 persona të tjerë dhe ende pa u lançuar kënga, kanë realizuar një kërcim për “Duro”.
View this post on Instagram
Më herët, këngëtarja ndau në rrjete sociale edhe mesazhin domethënës të “Duro”, teksa shkruante:
“Ti je e bukur dhe e vlefshme gjithmonë kujtoje këtë pa marrë parasysh se çfarë je duke kaluar. Ka një dritë në fund të tunelit. Qëndro dhe ki durim, ti mund ta bësh. Të dua”
Së fundmi, Dafina Zeqiri foli ekskluzivisht për “iconstyle.al” lidhur me këngën “Zili zili”, e cila u përfol gjatë si diss.
Në deklaratën e saj, autorja e shumë hiteve shprehet se nuk i ka bërë diss askujt, sidomos femrave, të cilat siç shprehet ajo, është munduar gjithnjë t’i përkrah. Teksa shton se të depërtosh në botën e showbizit shqiptar është shumë e vështirë, Dafina shprehet se ka vite në industri para se të ekzistonte edhe Instagrami me Youtube-in, të cilët e lehtësojnë rrugët drejt famës.
S’i kam bërë diss askujt, asnjëherë, sidomos femrave. I kam mbështetur ato që janë në showbiz, sidomos ato që kanë qenë në hapat e para sepse e di që është vështirë dhe gjithmonë kam qenë feministe dhe kam dëshirë t’i mbështes sepse e di sa e vështirë është në këtë showbiz. Kam shumë vite këtu, edhe para se të ishte Instagrami. Po ashtu, para edhe se të ishte YouTube siç është sot.
Megjithatë, ajo nuk i mohon përpjekjet për diss nga artistet e tjera ndaj saj, duke shtuar se vetë distancohet nga këto veprime të cilat nuk i konsideron shembull për gjeneratën e re.
Dhe më vjen keq për ato femra që kanë bërë thirrje për mbështetje dhe më pas kanë kthyer shpinën me diss-a. Kjo nuk është shembull për gjeneratën e re dhe unë s’kam pjesë me qenë pjesë e rrethanave të atyre njerëzve.
Fjalën e saj Dafina e mbyll me një mesazh shumë të bukur, duke u bërë thirrje gocave dhe grave të frymëzohen dhe të mbështesin njëra-tjetrën me vetëm një qëllim: Ta ngrejnë njëra-tjetrën sa më lart.
Misioni im në këtë botë si Dafina Zeqiri normal që nuk ka përfunduar dhe nuk do përfundoj shpresoj as pas vdekjes sime. Dhe shpresoj që ka shumë femra të tjera që vazhdojnë të inspirohen dhe mbështesin njëra-tjetrën si për interes ose pa interes. Po çfarëdo interesi të jetë, le të jetë i mirë që ta ngrejmë sa më lart njëra-tjetrën. Dhe jo të kundërtën.
