Zamir Dedej është Drejtori i Zonave të Mbrojtura, gjithashtu zotërues i shoqatës INCA, i cili në faqen zyrtare të llogarisë së Agjencisë në Instagram, i kërkon kryeministrit të rishikojë vendimin për ndërtimin e aeroportit të Vlorës brenda kufijve të zonës së Mbrojtur Vjosë-Nartë.
Ndërtimi i aeroportit do të shkatërronte tërësisht zonën dhe doemos do të sillte zhdukjen e flamingove, shpendëve më të rrallë të zonës, simbol i Lagunës së Nartës.
Nxënësit e shkollës “Industriale” të Vlorës, ndërtuan flamingo artificialë që lëvizin në varësi të erës, duke i vendosur në afërsi të ishullit të Zvërnecit, për t’i treguar vizitorëve dhe të huajve për prezencën e këtyre shpendëve.
Në postimin e llogarisë së Dedejt në Instagram shkruhet:
“Në kuadër të projektit ACAP dhe të minigrantit të fituar nga shkolla “Industriale” e Vlorës me titullin “Flamingot, simbol i lagunës së Nartës”, nxënësit nëpërmjet punës së tyre në ambientet e shkollës, ndërtuan flamingo artificialë që lëvizin në varësi të erës, të cilët më pas u vendosën në afërsi të ishullit të Zvërnecit, për të vënë në dijeni të gjithë vizitorët vendas dhe të huaj për prezencën e këtyre shpendëve si simbol i lagunës, në një kohë kur propozimi i një aeroporti brenda zonës së mbrojtur mund të na lërë vetëm me këto shpendë artificial, si për të thënë që dikur kishte flamingo. Ky simbol natyror i lagunës duhet ruajtur në çdo formë!”
View this post on Instagram
Mirëpo, çfarë fshihet në prapaskenë është fakti që i njëjti person që po kërkon rishikimin e vendimit për aeroportin dhe po kërkon të mbrojë flamingot dhe zonën përreth, bën në fakt lojë të dyfishtë.
Zamir Dedej ka përfituar vazhdimisht nga tenderat publikë të majmë, të cilët supozohet të ishin vënë në funksion të mjedisit.
Në fakt, ky veprim duket shumë hipokrit nga ana e tij, në një kohë kur vetë ai abuzon me tenderat publikë dhe ia jep ato vetvetes.
Aeroporti s’duhet ndërtuar dhe pasuria natyrore nuk duhet shfarosur, por kush do ta mbrojë vërtetë mjedisin?
