Vetëm pak ditë më parë, Ermal Mamaqi organizoi një trajnim të tejmbushur me njerës, teksa videoja e trajnimit bëri xhiron e rrjetit.
Mamaqi shihej në video teksa kërcente në një ambient të mbyllur të mbushur më shumë njerëz e fëmijë ndërkohë që grumbullimi i më shumë se 10 njerëzve është i ndaluar si pjesë e rregullave anti- COVID. Ka qenë faqja “Lolita” ajo që e ka publikuar videon në Facebook duke shkruar:
“Auditoret e universiteteve i kanë mbyllur për shkak të kovidit, ama për trajnimet e Ermal Mamaqit nuk ka kovid”.
Pas shqetësimit të madh që krijoi në rrjet, Ermali ka kërkuar ndjesë publike, duke u shprehur se në atë grumbullim, dëndësia e njerëzve në sallë nuk ishte më e madhe se ajo që është në autobus, Korçë ose kur kanë oferta qëndrat trengtare.
“Miq të dashur, ju kërkoj ndjesë për shqetësimin që ju është krijuar nga fotoja e aktivitetit.
Më lejoni tju sqaroj që Trajnimi Mendo Ndrysho pritej të bëhej nga një grup i vogël njerëzish, kryesisht stafi ynë, duke respektuar masat e Covidit.
Por ndodhi që në trajnim erdhën më shumë nga çfarë ishte planifikuar dhe e kishim të vështirë të mos ti pranonim brënda…Sidoqoftë edhe pse u munduam të kishim një distancë si ajo që është në kinematë që vazhdojnë aktivitetin, marr përgjegjësi të plotë për rastin që nuk duhet të ndodhte.
E di që situata që po kalon i gjithë planeti është shumë sfiduese.
Por pikërisht kjo situatë më ka shtyrë të bëj këtë që po bëj tani. Të ndaj me ju mësime që i kam mësuar nga më të mirët dhe i kam aplikuar në jetën time.
Ajo që ndodh në këto trajnime është e mrekullueshme, njerzit janë më të motivuar për jetën, punën dhe të ardhmen. A nuk është kjo ajo që duam?
Më falni Miq që nuk jam modest, por nuk mund ta mbaj vetëm për vete diçka që e di me siguri se tranformon jetën tuaj dhe e bën atë më të bukur dhe me vlerë.Ju falenderoj për mirëkuptimin dhe ju sqaroj përsëri që dëndësia e njerëzve në sallë nuk ishte më e madhe se ajo që është në autobus, Korçë ose kur kanë oferta qëndrat trengtare.
Ju uroj të gjithëve që të jeni mirë bashkë me familjet tuaja!
Deri në rikthimin e normalitetit trajnimet do të jenë të gjitha online.”- shkruan Mamaqi.
View this post on Instagram
