Nga heronjtë e jetës reale, te ata imagjinarë, këta janë filmat që nuk duhet t’i humbisni këtë muaj.
The Light Between the Oceans
Një film që tregon historinë e një çifti që janë të dëshpëruar për të patur një fëmijë dhe jetojnë në një ishull të largët në brigjet e Australisë Perëndimore. Kur një varkë shpëtimi misterioze që mbante një njeri të vdekur dhe një vajzë të porsalindur vijnë në breg, çifti duhet të vendosë nëse duhet të raportojë incidentin dhe të kthejnë fëmijën, apo ta mbajnë atë si të tyren.
Sully
Gjithkush e kujton “Mrekulli në Hudson”, por ndoshta i keni harruar pasojat e saj. Zbuloni momentet e frikshme, kur kapiteni Chesley “Sully” Sallenberger, i luajtur nga Tom Hanks, arriti të ulë dhe të evakuuojë një avion amerikan në lumin Hudson, pasi dy motorët e tij ishin prishur. Një presion i madh mediatik e vë Sully-n në një pozitë të vështirë, pas zbritjes së tij heroike.
Bridget Jones’s Baby
Për të gjithë fansat e Bridget Jones, filmi i tretë romantik dhe plot të qeshura do të rikthehet në shtator. Këtë herë Renee Zellweger-it shihet duke ecur drejt altarit, e shoqëruar nga babai i saj, teksa dikush e pret për t’u martuar, por skena ndërpritet dhe ajo shfaqet vetëm duke ngrënë sigurisht dhe duke dëgjuar “All By Myself”. Skenat humoristike nuk do të mungojnë në filmin e ri britanik. Sigurisht që nuk mund të mungonte figura e Mark Darcy-t, që në këtë pjesë do të jetë ish-i i Bridget. Një tjetër personazh del në skenë, aktori i famshëm Patrick Dempsey, vjen në rolin e Jack Qwant. Surprizat vazhdojnë me shtatzëninë e Bridget dhe faktin që ajo nuk e di kush është babai i fëmijës.
The Dressmaker
Një grua joshëse kthehet te qyteti i saj i vogël në Australinë rurale … Me makinën e saj të rrobaqepësisë dhe stilin e saj modern, ajoi shndërron gratë dhe arrin të hakmerret ‘ëmbël’ me ata që i bënë keq. Me interpretimin e shkëlqyer të Kate Winslet dhe Liam Hemsworth, filmi dramatik bazohet në librin e Rosalie Ham.
The Magnificent Seven
Kur një manjat industrial kërcënon të marrë përsipër qytetin e vogël të Rose KRICK, banorët e qytetit punësojë Magnificent Seven, një grup për të mbrojtur shtëpitë e tyre. Filmi western është një riprodhim i filmit të vitit 1960 nga Steve McQueen, me të njëjtin emër. Aktorët që luajnë janë Denzel Washington, Chris Pratt dhe Ethan Hawke.
Queen of Katwe
Kur 9-vjeçarja nga Uganda, Phiona Mutesi njihet me Robert Kotende, i cili dëshiron të popullarizojë lojën e shahut, jeta e saj ndryshohet përgjithmonë. Pavarësisht se jeton në varfëri, Phiona fillon trajnim për t’u bërë një kampione botërore e shahut. Lupita Nyong’o, David Oyelowo dhe Madina Nalwanga luajnë në filmin e bazuar në librin me të njëjtin titull.
Snowden
Në vitin 2013, punonjësi i talentuar i CIA-s Edward Snowden zbuloi informacion në lidhje me iniciativat globale të qeverisë së SHBA-ve. Veprimet e tij shkaktuan një incident ndërkombëtar, pasojat e të cilit ndihen ende sot. Joseph Gordon-Levitt, Shailene Woodley, Melissa Leo dhe Zachary Quinto luajnë në këtë triller politik që bazohet në dy libra, “The Snowden Files” nga Luke Harding dhe “Time of Octopus” nga Anatoly Kucherena.
Deepwater Horizon
Ajo që duket të jetë një ditë pune e zakonshme në Deepwater Horizon, në një rafineri nafte në Gjirin e Meksikës, papritmas kthehet në katastrofë, kur ndodh një shpërthim. Pasojat e shpërthimit tani mbahen mend si fatkeqësia natyrore më e madhe e të gjitha kohërave. Filmi, i bazuar në historinë e shpërthimit të Deepwater Horizon në vitin 2010, luhet nga yjet Mark Wahlberg, Kate Hudson, Gina Rodriguez dhe Kurt Russell.
Masterminds
David (Zach Galifianakis) është një roje sigurie bashkë me kolegun e tij Kelly (Kristen Wiig). Kur Kelly e bind atë për ta ndihmuar me grabitjen e një banke, David pranon sfidën. Të dy planifikojnë vjedhjen e 17 milionë $ dhe menjëherë arratisen. Owen Wilson, Kate McKinnon, Leslie Jones, dhe Jason Sudeikis janë pjesë e kastit komik të filmit.
Miss Peregrine’s Home for Peculiar Children
Kur Jacob 16 vjeç (Asa Butterfield) shkon në shtëpinë e Miss Peregrine ai sheh fëmijët e veçantë atje dhe shpejt konstaton se drejtoresha e saj dhe banorët kishin qenë duke e pritur. I hutuar nga fëmijët dhe natyra misterioze e Miss Peregrine (Eva Green), Jacob fillon të kuptojë se edhe ai është “i veçantë”, dhe është zgjedhur për të mbrojtur shtëpinë dhe miqtë e tij të rinj. Samuel L. Jackson dhe Chris O’Dowd luajnë në këtë film fantazi, me regji të Tim Burton dhe bazuar në romanin e Ransom Riggs me të njëjtin emër.
Burimi: Harpers Bazaar
