Në dhjetor të vitit 2018, dyshja më e njohur e showbiz-it shqiptar, Loredana dhe Mozzik, u bënë prindër për herë të parë.
Megjithëse fillimisht e fshehën shtatzëninë, ata s’mund të fshihnin më gjatë bekimin më të bukur të jetës, vogëlushen të cilën e pagëzuan me emrin Hana.
Që prej lindjes së saj, Hana u kthye në një ndër bebushët më të njohur të showbiz-it, e cila na ka rrëmbyer zemrat të gjithëve me ëmbëlsinë e saj.
Ajo është një kopje e Mozzik në pamje, mirëpo po rritet dita ditës dhe është kthyer në një zonjushë të vogël, fiks si mami Loredana. Madje, Hana është fansja numër 1 e të ëmës, e cila di përmendësh çdo këngë të sajën!
Videoja e fundit e Loredanës në Instagram na kënaqi sytë dhe na rregulloi ditën!
E vogla shfaqet duke dëgjuar në TV njërën prej këngëve të Lorit në gjuhën gjermane dhe kërcen e këndon plot energji. Ajo e ka shkrirë së qeshuri dhe sigurisht ia ka kënaqur shpirtin Loredanës!
Mozzik dhe Loredana janë dyshja më e komentuar e momentit për shkak se përfliten ende për ribashkimin e tyre. Reperi e ka mohuar që kjo të jetë e vërtetë, ama faktet tregojnë të kundërtën. Së fundmi dyshja nisën të ndiqeshin sërish në Instagram, jo në profilet e tyre, por diku tjetër. Loredana ka nisur një biznes të sajin pak kohë më parë dhe nga faqja që ka krijuar për të ka filluar të ndjekë Mozzik. Madje në faqen e biznesit të saj, Loredana ndjek vetëm dy personazhe, veten dhe Mozzik.
