Skandali Andi-Tea-Beart është një nga çështjet më të diskutuara të ditëve të fundit, sepse miliona teleshikues të emisionit “Për’puthen” u ndjenë të zhgënjyer pasi dolën të gjitha të vërtat në shesh. Prej kohësh publiku besonte se Tea dhe Andi po krijonin bashkë një histori të bukur dashurie dhe kësaj çështje ju vu vula pasi ata dolën bashkë si “çift” nga ‘Për’puthen”. Mirpëo më pas çdo gjë mori rrjedhë tjetër pasi në rrjet u shfaqën fotot e Teas dhe Beartit duke u puthur.
Tea dhe Andi, dy protagonistët në këtë ngjarje, u shprehën se kishin qenë të detyruar për shkak të kontratës që kishin lidhur me produksionin që të dilnin bashkë si çift. Ndërkohë, ditën e sotme Bora Zemani zbuloi kontratën që konkurrentët lidhin me produksionin dhe tregoi se në asnjë pikë nuk thuhet se ata duhet të bëjnë gjëra jashtë dëshirës së tyre. (Lexo këtu)
Këtë gjë e konfirmuan dhe konkurrentët e tjerë, që thanë se kishin pasur mundësinë madje që kontratën ta konsultonin të lirë para se ta firmosnin. Pas kësaj ngjarje reagimet nga konkurrentët dhe ish-kokurrentët e programit kanë qenë të shumta dhe të gjithë ata janë shprehur të zhgënjyer nga kjo ngjarje.
Në lidhje me këtë situatë ka reagur së fundmi edhe Ana Lleshi, e cila u penalizua nga emisioni pas publikimit të disa fotove nga Arjoni. Gjatë një videoje live në Instagram ajo është shprehur me bindje se Tean dhe Andin nuk i ka detyruar askush të dalin çift nga programi, por e kanë bërë vetë këtë zgjedhje.
“Unë s’jam përputhur që të flas për Tean dhe veprimet e Teas apo të kujtdo tjetër që bën kokrrën e qejfit. Di të them vetëm kaq që në momentin që ti zgjedh të dalësh çift me dikë nuk të detyron askush. Kaq është shumë e thjeshtë”, është shprehur Ana.
Të njëjtën gjë ka thënë edhe Shqipja, e cila ka qenë e para që zbuloi lidhjen e fshehtë të Teas dhe Beartit.
