Para 2 ditësh ministrja e Kulturës, Elva Margariti humbi bashkëshortin e saj. I ndjeri vuante nga një sëmundje e rëndë dhe u nda nga jeta në moshën 49-vjeçare. U mësua se ai po kurohej jashtë vendit për sëmundjen që kishte, por nuk arriti ta fitonte betejën e vështirë me të.
Ndërkohë Margariti ka reaguar për herë të parë, përmes një statusi në rrjete sociale. Ajo ka shkruar disa fjalë mjaft prekëse dhe ndër të tjera ka falenderuar të gjithë ata që i kanë qëndruar pranë dhe i kanë nisur mesazhe ngushëllimi.
“Asnjëherë, askush nuk është gati për të shkruar të tilla radhë, e teksa përpiqesh të shtysh në pafundësi lajmin e hidhur, nuk mund ta bësh këtë me mirënjohjen.
Në të vërtetë do të doja të falenderoja gjithkënd, që na u gjend pranë në këtë moment të vështirë të jetëve tona.
Ajo çka mendoj sot është se çdo fjalë ngushëllimi e mirësie, na jep forcë e kurajë për një rrugëtim të ri, që ka nisur!
Uroj t’jua kthej veçse për ditë gëzimi!”, ka shkruar Margariti në një postim në “Facebook”.
Asnjëherë, askush nuk është gati për të shkruar të tilla radhë, e teksa përpiqesh të shtysh në pafundësi lajmin e…
Posted by Elva Margariti on Monday, 1 February 2021
Kujtojmë se Ministrja ka dhe një vajzë 9 vjeçe që ka ardhur në jetë si fryt i dashurisë së saj me bashkëshortin e ndjerë.
