Vajza nga Shkodra, Antonela Berisha, ishte një nga hyrjet e reja të “Për’puthen”, e cila erdhi me qëllime të qarta në emision.
Që në momentin e parë në studio, ajo shprehu pëlqimet e saj të para dhe fokusin për dy djem, Mevlanin dhe Atdheun.
Që në ardhjen e saj, Antonela trazoi ujërat mes Ledjanës dhe Mevlanit, duke i kërkuar këtij të fundit t’i bënte një album dhe jo vetëm një këngë (siç i kishte bërë Ledjanës).
Mevlani pranoi me dëshirë, mirëpo dëshira e tij ishte problem për Ledjanën, e cila nisi të shfaqte shenja xhelozie për djalin me të cilin kishte dalë deri tani në takime.
Mes Antonelës dhe Mevlanit u zhvillua një takim, ku Antonela “e mbyti” djalin me dhurata, njëra prej të cilave ishte një mikrofon për të kënduar. Për herë të dytë, Antonela i shprehu Mevlanit dëshirën për t’i kënduar, ndërsa Mevlani i dedikoi disa rreshta.
Pikërisht ky veprim i Mevlanit shqetësoi tepër Ledjanën, e cila akuzoi Antonelën se erdhi në emision vetëm për t’i ndarë.
Pas një debati absurd me tone të ashpra, ku dy vajza ziheshin për një djalë i cili shihte me ëndje “sherrin”, erdhi edhe përballja e Ledjanës dhe Antonelës.
View this post on Instagram
Në “Për’Puthen Prime”, dy konkurrentet u vendosën përballë njëra-tjetrës ashtu siç nuk dëshironim t’i shikonim dhe bënë një debat që nuk dëshironim ta dëgjonim në ekran.
Dy vajzat u “grindën” për një djalë, që nuk ishte as i njërës dhe as i tjetrës dhe ndoshta s’do të jetë kurrë përputhja e tyre.
Dy femra të plotësuara, në kërkim të dashurisë, i treguan publikut atë që s’duhet të ndodhë kurrë mes gjinisë femërore, sherri për një mashkull që shijon me ëndje skenën dhe s’bën asgjë më shumë.
Dy femra luftuan për një mashkull si për një “trofe”, s’kenë që s’dëshironim ta shihnim kurrë në ekran!
