39-vjeçarja Kelly Rowland është bërë nënë për herë të dytë. Përmes një postimi në Instagram, artistja bën me dije se Noah Jon Weatherspoon erdhi në jetë më datë 21 të vitit 2021, në shekullin 21. Në fotografi, i vogli shfaqet përkrah vëllait më të madh, 6-vjeçarit Titan Jewell.
“Jemi tepër mirënjohës” shkroi Rowland, teksa shtoi se djali i saj lindi në orën 8:13 të pasdites.
View this post on Instagram
Tetorin e vitit të shkuar, teksa gjendej në pritje të vogëlushit, Rowland tregoi për “PEOPLE” se djali i saj mezi po e priste të vëllanë.
“Unë dhe bashkëshorti im e gjetëm veten në mes të Covid-it, si të gjithë të tjerët… dhe nuk të mbetet të bësh shumë gjëra në shtëpi”, rrëfeu ajo duke qeshur. “Thamë do provojmë të bëjmë një fëmijë. Zoti na bekoi. Titani i ka vendosur një emër bebushit që tani”.
Kelly Rowland është e martuar me menaxherin e saj, Tim Weatherspoon-in. Ata nisën të dilnin bashkë në vitin 2011 dhe u martuan në maj të 2014-ës. Po atë vit, erdhi në jetë fëmija i tyre i parë. Lidhur me shtatzëninë e dytë, teksa foli për “Women’s Health”, Kelly tregoi se u step disi për të dhënë lajmin e gëzueshëm, për shkak të pandemisë dhe gjithçkaje tjetër që ndodhte dhe transmetohej në lajme.
