Astrologe Meri Shehu ka dhënë sot parashikimin e yjeve për ditët në vazhdim, për secilën shenjë të horoskopit, teksa ishte e ftuar në emisionin e pasdites “Rudina”.
Shehu ka treguar si do të ndikojë në secilën shenjë të horoskopit hëna e plotë e mbrëmjes së sotme (28 janarit).
“Hëna e plotë do të jetë në Luan dhe diçka e re zbulohet dhe ndriçon në jetën tonë. Mund të zbulohet një e fshehtë, një marrëdhënie, një mundësi e re, ngjarje të fshehura. Dashët, Shigjetarët dhe Luanët do kenë një eufori më të madhe, një zbulim më të madh, një ngjarje më të madhe në jetën e tyre. Disa ngjarje mund të mos të duken të bukura, por është përfundimi i një rrugëtimi dhe kjo Hënë i vë vulën një pjese të jetës dhe hap një etapë të re.
Por edhe për të tjerët do jetë një Hënë shumë e mirë. Peshoret dhe Binjakët do futen në një rrjedhë shumë pozitive. Ujorët duhet të zbulojnë çfarë kanë përpara, një drejtim, mundësi ose marrëdhënie të re ose të mbyllin një cikël që i ka ardhur fundi. Edhe për Virgjëreshët kjo Hënë do të jetë shumë pozitive dhe do kenë një ngjarje shumë të mirë shpirtërore. Akrepët do merren pak më shumë me karrierën. Demët do kërkojnë shtëpi të re, një vend të ri, një cikël të ri jetese. Peshqit do meditojnë, të kenë kujdes me shëndetin”, tha Meri.
