Së fundmi Usain Bolt mori medaljen e tretë të arit në Lojërat Olimpike dhe theu rekord lidhur edhe me të dashurat. Atleti u fotografua vetëm pak ditë më parë duke flirtuar me një tjetër femër, ndërsa natën para saj kishte shkuar në shtarat me një studente. Por mbi të gjitha Usain vazhdon lidhjen e tij 2-vjeçare me Kasi Benett.
Ndërkohë që kjo e fundit nuk komentoi tradhtitë e të dashurit, 30-vjeçari vendoi që të fliste hapur për “The Telegraph”, lidhur me arsyen që e shtyn të tradhtojë.
“Bëhesh i famshëm dhe gjithë ato vajza duan të të afrohen. Nëse martohesh 21 vjeç, nuk ke jetuar asgjë. Është e vështirë të rrish vetëm me një vajzë sepse vajzat të hidhen sipër”, tha Bolt.
Ai thotë se është e vështirë në një situatë të tillë të rezistosh dhe të thuash “Jo”.
“Kjo është shumë e padrejtë për ne djemtë, është e vështirë të thuash “Jo”, më kupton?”, tregon atleti.
Ai argumenton se kultura britanike ushtron shumë presion për çështjen e monogamisë, ndërsa në vendin e tij, Xhamajka, jetohet dhe shijohet gjithçka sa je i ri.
“Ne kërcejmë, ne e jetojmë jetën, ne bëjmë qejf. Pastaj kur plakemi është koha për tu mbledhur e për të krijuar familje. Unë dua të martohem, prindërit e mi janë të martuar. E kam menduar, por e sigurt është që nuk martohem para të 35-tave”, sqaron Usain Bolt. Atëherë shijo edhe 5 vitet që të kanë mbetur!
Burimi: The Telegraph
