Gent Fatali është një ndër artistët më të talentuar që brenda pak kohësh arriti të bëhej pjesë e tregut muzikor shqiptar. Megjithatë, kohët e fundit është vënë re një mungesë nga ana e tij në muzikë.
Disa muaj më parë reperi tregoi në një intervistë se po merret me biznes dhe kohën më të madhe e shpenzon atje, andaj është tërhequr nga muzika.
Prej dy vitesh ai po shijon një romancë të bukur me Rozafën, motrën e Loredanës. Ndonëse karantinën e kaluan të ndarë, si shumë çifte të tjera, tashmë janë ribashkuar dhe janë më të lumtur se kurrë.
View this post on Instagram
Madje, ata janë përfolur se e kanë kurorëzuar dashurinë e tyre në martesë, por ky lajm u mohua mbrëmjen e sotme nga ai në “Shiko kush luan”.
Por, jo vetëm kaq. Ai na ka treguar shumë edhe për raportin me baxhanakun e tij Mozzik dhe kunatën Loredana. Në lojën “Paintball” ai është pyetur nëse është e vërtetë se ka baxhanak Mozzik dhe se Rozafa është motra e Loredanës. Por, Genti refuzoi të përgjigjej. Ai u shpreh se për këtë pyetje mund të përgjigjet Rozafa.
Sakaq, i pyetur se me cilin prej personave që ishin në tabelë nuk flet, Genti habiti me atë që tha, duke shënjestruar Loredanën. Reperi tregoi se nuk kanë asnjë problem mes tyre, thjesht nuk kanë komunikim.
Megjithatë, Genti ka qëlluar Mozzik, kur është pyetur rreth “hitmaker-it” më të madh të momentit në Shqipëri. Si duket marrëdhënie e tyre është në nievle “kolegësh” dhe ende s’kanë kaluar në nivele “baxhanakësh dhe kunetërish.”
View this post on Instagram
