Ish-bashkëshortja e Bleros dhe partnerja aktuale e tij, Teuta Krasniqi dhe Afrona Dika, gëzojnë një raport shumë të mirë me njëra-tjetrën. Edhe pse iu është dashur të njihen në rrethana jo shumë të zakonshme, ato kanë respekt për njëra-tjetrën e këtë e kanë dëshmuar edhe së fundmi.
Madje për festat e fundvitit Teuta i ka bërë Afronës një dhuratë me rastin dhe ky veprim i saj i ka habitur jo pak fansat. Aktorja e njohur i ka dhuruar partneres së Bleros një krem nga kompania e saj dhe bashkëshortit aktual, Adonisit. Këtë gjë e ka zbuluar vetë Afrona, e cila e ka falenderuar publikisht Teutën për dhuratën.
Përveç Teutës dhe Afronës, edhe vetë Blero ka treguar se ato të dyja kanë raporte shumë të mira bashkë. Ai ka treguar se partnerja e tij aktuale nuk e ka pasur kurrë problem këtë pjesë dhe se madje ka shkuar edhe për darkë në shtëpinë e ish-bashkëshortes.
Ditën e sotme ajo ka qenë e ftuar në Prive ku ka folur rreth raportit të saj me Teutën, duke konfirmuar ato që ne shohim në rrjetet sociale.
Afrona ka treguar se që prej fillimit ka patur një marrëdhënie të mirë me Teutën dhe nuk e ka parë si konkurrente. Madje, ka treguar se ajo e ka ndihmuar dhe ka ndikur pozitivisht edhe në raportin e saj me Tarën.
Prej fillimit ka qenë e mirë marrëdhënia jonë. Familja më ka rritur me shumë energji pozitive dhe dashuri. Kur jam lidhur me Blerimin, kam ditur çdo gjë. Derisa unë kam pranuar çdo gjë të tijën, edhe atë e kam pranuar. Nuk e kam parë as si konkurrente dhe as fëmijën si pengesë. Teuta ka ndikuar pozitivisht ndaj marrëdhënies sime me Tarën.
