Sulmet e mbrëmshme të dhunshme në ndërtesën e Capitol janë regjistruar tashmë në memorien jo vetëm të popullit amerikan, por tronditën edhe persona nga vende të ndryshme të botës. Mediat vendase shkruajnë se është identifikuar gruaja që u qëllua për vdekje dhe ajo quhet Ashli Babbitt. Gruaja është qëlluar nga ana e një efektivi të policisë.
Forcat policore deri tani kanë arrestuar 68 njerëz, të dyshuar të implikuar në ngjarjet e së enjtes. Madje, po kërkohet ndihma e publikut për identifikimin e agresorëve në Capitol. Katër persona kanë vdekur, si pasojë e sulmit në Capitol të enjtën, nga persona, që janë mbështetës të ish-presidentit tashmë amerikan, Donald Trump.
Presidenti i zgjedhur Joe Biden i kushtoi një tjetër konferencë për shtyp nga Delawere protestave të dhunshme në Washington, ku e konsideroi ditën e djeshme një nga “më të errëtat në historinë e kombit” dhe një “sulm ndaj fortesës së lirisë dhe demokracisë. Ai shtoi më tej duke i cilësuar protestuesit si terroristë. Gjithashtu, presidenti i zgjedhur, që pritet të marrë zyrtarisht detyrën më 20 janar, nuk kurseu as kritikat ndaj forcave të policisë, për të cilat tha se nëse protestuesit do të ishin pjesë e lëvizjes “Black Lives Matters”, reagimi i tyre do të ishte ndryshe.
Ndërsa mbështetës të Trump arritën që të hyjnë brenda në Kapitol për pak momente dhe shkaktuan trazira, fotografë nga mediat botërore kanë gjetur rastin të fotografojnë çaste të jashtëzakonshme.
Foto të tjera:
