Pak ditë para përfundimit të 2020, dy nga emrat më të suksesshëm të muzikës shqiptare Dafina Zeqiri dhe Yll Limani kanë bashkuar forcat për të na sjellë një nga duetet më të bukura si një dhuratë për fundvit. “Mos shko” mban titullin kënga e tyre që është kthyer tashmë në një hit dimri.
Teksti i këngës është shkruar nga Dafina dhe reperi Elinel, e është pjesë e albumit të këngëtares “Dafinë moj”. Dy këngëtarët janë kujdesur në çdo detaji për videoklipin, ku Dafina shfaqet si gjithnjë me look ekstravagant, kurse Ylli një simpatik i përhershëm.
Pas super suksesit të këngës, Dafina ka krijuar edhe një sfidë shumë të bukur në rrjetet sociale me këtë këngë. Sikur e dini kërcime të ndryshme të këngëve të shumta janë kthyer në virale dhe ky duket të jetë edhe rasti i “Mos shko”.
Teksa ka ndarë videon në rrjetet sociale, Dafina ka nominuar Yll Limanin, Encën dhe Anxhelinën. Ylli ka premtuar se do e realizojë shumë shpejt dhe mezi po presim.
Jepini realizojeni edhe ju!
Yll Limani publikoi pak javë më këngën e re “Leje”. Ndryshe nga këngët paraardhëse, Ylli nuk ka realizuar një klip për këtë këngë por e ka sjellë në mënyrën më të thjeshtë të mundshme nëpërmjet animacioneve.
Por, ju e dini se zëri dhe fabulat që ai trajton nuk kanë nevojë për videoklipe.
Se me t’pas dasht, nuk t’kish lon vet për shok që nuk i ka përnime, për femna as sa gjysma jote. Ti s’je bota e tij, ai osh bota jote. Amo leje…Zemrën e tij theje. Dashnin tjetër gjeje…leje sonte leje…
Nga ana tjetër, Dafina Zeqiri ka sjellë remix e këngës mjaft të pëlqyer “Vuj vuj vuj”, që është pritur shumë mirë nga publiku.
Projekti u bë viral, kjo prej videoklipit të veçantë ku protagonist është Miran Ramadani, i cili ka rrëmbyer zemrat e të gjithëve me videot humoristike që poston në rrjetet sociale.
