Nuk është çudi që të gjithë sytë janë drejtuar në gishtin e unazës së Kim Kardashian ndërsa ajo dhe Kanye West po bëjnë gati letrat e divorcit.
Një ditë më parë, një nga mediat më pranë familjes “Kardashian-Jenner”, E! News konfirmoi se Kim po jeton larg burrit të saj dhe beson se martesa ka mbaruar. Fill pas këtyre lajmeve që kanë bërë xhiron e rrjetit, Kim u fotografua duke dalë nga makina e saj teksa ra në sy fakti se ajo e mbante në gisht ende unazën e martesës.
Ky veprim nga ana e saj, po interpretohet si një mundësi që ajo mund t’i japë Kanye për të rregulluar marrëdhënien e tyre. Kjo foto vjen pas shumë të tjerash kur ajo shfaqej pa unazë në daljet publike.
Unaza duket se mungon në një foto të postuar prej saj në Instagram në 22 dhjetor nga udhëtimi i familjes së saj në Tahoe, dhe gjithashtu mungon edhe në një selfie të shkrepur më 5 janar. Mediat e huaja raportojnë se ata nuk kanë kaluar kohë së bashku si një çift dhe çdo takim e kanë bërë për hir të fëmijëve.
Mbrëmjen e djeshme një teori shumë ë pabesueshme ndezi rrjetin. Sipas kësaj teori reperi ka tradhëtuar Kim me Youtuber-in dhe makeup artistin e famshëm Jeffree Star Sipas këtyre lajmeve reperi është shpërngulur në Wyoming për të qëndruar larg Kim, por nga ana tjetër ky vend është vizituar shpesh nga Jeffree kohët e fundit.
Daniel “Keemstar” Keem kërkoi një prononcim nga Star në lidhje me këtë teori dhe mori si përgjigje: “Hahaha. Unë jam duke kaluar bukur në Wyoming, ejani vizitojeni ndonjëherë!”.
Lajmet u përgënjeshtruan menjëherë ditën e sotme nga mediat pran Kim dhe Kanye teksa nuk ka ende reagim nga ata rreth divorcit.
