Ditën e djeshme në të gjitha mediat u përhap me shpejtësi lajmi se aktorja Tanya Roberts kishte ndërruar jetë. Thuhej se aktorja amerikane nuk ishte ndjerë mirë në mbrëmjen e Krishtlindjeve, pasi kishte dalë në shëtitje me qenin e saj. Më pas ishte dërguar në spitalin “Cedar-Sinai” në Los Angeles, ku dhe kishte ndërruar jetë sipas raportimeve.
Mirëpo ky lajm ka rezultuar i rremë. Ditën e sotme është konfirmuar se aktorja është në gjendje të rëndë shëndetësore, por është ende në jetë. Partneri i aktores më pas ka shpjeguar se si dolën dhe u përhapën këto informacione të rreme në të gjitha mediat.
“Të dielën mora një telefonatë nga mjekët, të cilët më thanë se gruaja kishte momentet e fundit të jetës. U ula pranë saj dhe pas pak ajo mbylli sytë, fryma filloj t’i ndalej dhe u duk se gjithçka u venit”, ka thënë bashkëshorti i Roberts, Lance O’Brien.
Aktorja emri i vërtetë i së cilës është Victoria Leigh Blum, ka lindur në Bronx të New Yorkut. Debutimin në aktrim e shënoi në vitin 1975, me një rol në filmin e zhanrit horror, “Forced Entry”. Ajo më së miri njihet për portretizimin e bukuroshes “Stacey Sutton”, në filmin e vitit 1985, “A Vieë To A Kill”, ku luajti krahas aktorit Roger Moore i cili edhe e shënoi performancën e fundit të agjentit sekret James Bond.
