Që kur nisi vaksinimi kundër Covid-19 me vaksinën e krijuar nga Pfizer dhe BioNtech, ka pasur disa raportime për raste alergjish, aq sa dhe u këshillua që personat alergjike të mos bëjnë injeksionin në këtë fazë. Këtë herë, një infermiere portugeze ka humbur jetën dy ditë pasi u vaksinua me vaksinën anti-Covid të Pfizer dhe BioNTech.
Bëhet fjalë për një 41-vjeçare të quajtur Sonia Acevedo e cila ka pësuar një vdekje të papritur menjëherë pas injeksionit, siç raportojnë mediat e huaja. Ajo ndërroi jetë ditën e Vitet të Ri, ndërkohë që rezultatet e autopsisë për vdekjen e saj pritet që të dalin nesër.
Infermiarja ka punuar në Institutin Portugez të Onkologjisë. Mjekët që u morën me rastin e saj kanë deklaruar se 41-vjeçarja nuk ka pasur asnjë efektanësor pas vaksinimit. Ndërsa babai i saj, Abilio Acevedo deklariu për mediat portugeze se Sonia ishte mirë dhe nuk kishte asnjë problem shëndetësor.
“Ajo ishte mirë. Ajo nuk kishte pasur ndonjë problem shëndetësor,” tha ai.
Gjithashtu ka pasur raste që edhe janë infektuar sërish me Covid pas marrjes së dozës së parë të vaksinës.
Kujtojmë se më 8 dhjetor një grua 90-vjeçare është bërë personi i parë që i është dhënë një vaksinë anti-Covid, si pjesë e programit të vaksinimit masiv që ka filluar në të gjithë Mbretërinë e Bashkuar. Margaret Keenan u shpreh se për të ajo ishte dhurata më e vyer.
