Almeda Abazi ka treguar se të voglit të saj, Efehan, i ka mësuar edhe gjuhën shqipe. Këtë gjë ajo e ka demonstruar disa herë dhe shpesh për këtë fakt është ndeshur edhe me kritikat e fansave turq.
“Sa për informacion, fëmija im ka dy pasaporta, atë turke dhe shqiptare! Nëna e tij është shqiptare! Unë jam shqiptare dhe sigurisht që do i mësojë edhe gjuhën time amtare”, ju përgjigj para disa kohësh Almeda një ndjekëseje që i shkruante se po i mëson djalit diçka të huaj me forcë.
Ndërkohë së fundmi ajo ka publikuar një video shumë të ëmbël, në të cilën ka treguar se Efehan po rritet me këngët shqiptare, njësoj siç jemi rritur edhe ne. Almeda, Tolgahan dhe Efehan kanë qenë të ftuar në një emision turk. Gjatë emisionit Efehan i ka kërkuar bukuroshes shqiptare këngën “Qengji i vogël” dhe mami Almeda nuk ka ngurruar t’ja vendosë direkt për ta dëgjuar.
Efehan duket se e pëlqen shumë këngën, sepse sapo e dëgjon nis menjëherë të kërcejë. Në këtë formë dashur apo pa dashur, vogëlushi i ka bërë teleshikuesit turq të dëgjojnë shqip.
Ndërkohë kujtojmë se Almeda Abazi është sërish në pritje të ëmbël. Para disa muajve ajo dhe Tolgahan zbuluan se do të bëhen prindër për herë të dytë dhe këtë herë presin një vajzë
