Me siguri e keni vënë re që thuajse të gjitha vajzat e ekranit dhe jo vetëm, kanë nisur t’i rikthehen natyrales dhe po përqafojnë më shumë ngjyrat e tokës.
Një gjë të tillë e ka bërë së fundmi edhe moderatorja e njohur Viola Spiro, të cilën jemi mësuar ta shohim historikisht bjonde.
Viola ka errësuar ngjyrën e flokëve dhe është shfaqur në Instagram me look-un e ri, i cili i shkon shumë.
Me siguri kjo foto e Violës do të jetë një shtysë për të gjitha vajzat që duan të ndryshojnë look, por ende nuk e kanë marrë guximin.
View this post on Instagram
Disa javë më parë, Viola humbi
babanë e saj, për shkak të infektimit me Covid-19. I ati i saj, Rudolf Spiro, kurohej prej ditësh në Turqi dhe e humbi jetën atje në 1 nëntor. Viola reagoi pas lajmit që u shpërnda me shpejtësi në media, duke u shprehur se nuk e prisnin ndarjen e tij të shpejtë nga jeta.
“Do doja të kisha fuqi që të shkruaja dhe tregoja pafund për babain tonë, por jam e copëtuar. Jemi të tmerruar dhe të shkatërruar për mënyrën dhe kohën e shpejt që e humbëm. Babai ynë po luftonte me virusin e mallkuar po zemra e tij nuk duroi gjatë. Ai pushoi ditën e diel pa na dhënë lamtumirën. Sot e përcollëm për udhëtimin më të gjatë, duke i lutur që të jetë i lehtë për të dhe më i bukur”, shkroi Viola në Instagram.
