Mozzik ka qenë një nga artistët më të komentuar dhe të suksesshëm të 2020 dhe për këtë jemi të gjithë dakord. Pas shumë hiteve në gjymën e parë të vitit, reperi solli në muajin korrik “MozzArt”, albumi që bëri namin dhe i dha atij shumë rekorde, sidomos sa i takon klikimeve në platformat digjitale.
Megjithatë, duhet ta pranojmë se reperi i çmendi të gjithë me këngët “Madonna” dhe “PP”, në bashkëpunim me Kidën, që janë dy nga këngët me më shumë klikime në YouTube për verën e 2020.
Por, Mozzik është super i karikuar dhe rrjedhimisht edhe artisti e çeli vitin 2021 për gjithë estradën. Reperi ka lançuar në orën 00:00, sapo data ka shënuar 01 janar 2021, këngën e re të titulluar “N’Tiranë”.
Kënga po bën namin me klikime dhe me siguri do ketë suksesin e “PP”. Videoklipi është regjistruar në kryeqytet, sikurse mund ta kuptoni edhe nga titulli i projektit, dhe në qendër të tij është reperi.
I veshur sportiv, ai shëtit nëpër Tiranë, duke i bërë edhe një super promovim qytetit, teksa këndon “N’Tiranë, n’Tiranë sytë tek ti em ranë, kur t’pashë n’Tiranë nata me hanë, uhhh baby baby, n’Tiranë, n’Tiranë të dy bashkë ne ramë, ne ramë!”
E pranojmë, deri tani nuk është bërë ndonjë këngë më e bukur për Tiranën.
Kujtojmë se Mozzik na lajmëroi pak kohë më parë në rrjetet sociale se po sjell një album të ri që do jetë edhe më flakë, teksa po ashtu përflitet se do vijë në një bashkëpunim me Loredanën, por s’ka ende detaje rreth këtij projekti.
View this post on Instagram
Kujtojmë se para disa ditësh Mozzik fitoi një çmim të rëndësishëm në Gjermani bashkë me Lordanën nga kënga e tyre “Eiskalt”, që rezultoi një sukses i vërtetë në gusht të 2019.
