E dinim se ky vit ka qenë një nga më të suksesshmit për Taynën, për sa i përket aspektit profesional, por nuk mbetet pas edhe jeta personale. E këtë na e ka treguar vetë reperja përmes një postimi në Instagram.
Tayna ka postuar disa foto ditën e sotme për të uruar fansat e saj për ndërrimin e viteve, por ka shkruar edhe disa fjalë zemre.
Ajo shprehet se 2020 ka qenë bekim në fshehtësi pasi e ka përjetuar si “Doruntina”, emri i saj i vërtetë. Reperja thotë se nga ky vit ka mësuar të vlerësojë njerëzit dhe sendet me vlerë, të qëndrojë me këmbë në tokë dhe të shkëputet nga egoja për tu lidhur me brendësinë.
2020 ka qene bekim n’fshehtsi. E kom perjetu si “Doruntina” prap. Kom msu m’ja dit vleren njerzve&sendeve qe kan randsi ma shume, me nejt me kembe n’toke, m’u shkeput prej egos edhe m’u lidh me brendsine tem. Vitin qe po vjen jom gati per gjithcka me zemer t’hapun e me shume dashni. Happy New Year my loves and thank you all for being part of my journey! Edhe pse jo viti i preferum, sigurisht ka qene i nevojshem per krejt❤️
View this post on Instagram
E teksa po le pas një vit suksesi, 2021 pritet të jetë edhe më flakë për Taynën. Reperja e njohur është gati të kthejë në muzikë një nga artistët më të preferuar të pulikut shqiptar, Flori Mumajesin.
Shumë shpejt ajo do të vijë në bashkëpunim me Florin dhe kënga duket se është gati e tani kanë mbetur vetëm xhirimet e videoklipit. Këtë lajm e ka konfirmuar vetë Rinori për Prive.
Ndërkohë së fundmi në rrjet ka nisur të qarkullojë një duet mes Taynës dhe Mozzik, që pritet të publikohet së shpejti. Kënga ka dalë nga studioja para kohe dhe tani ka mbetur vetëm që dy reperët ta nxjerrin zyrtarisht.
Nga videoja e publikuar në rrjete sociale duket se ajo titullohet “Pram” dhe tani fansat po presin me padurim t’i shohin sërish bashkë në një videoklip bashkë Taynën dhe Mozzik.
Kujtojmë se Tayna ka gati edhe dy bashkëpunime ndërkombëtare, por ende nuk janë zbuluar emrat.
Për shkak të pandemisë videoklipet e këtyre këngëve ende nuk janë xhiruar, por shpresojmë që shumë shpejt të mësojmë se çfarë po na gatuan Tayna.
