Një tërmet i fuqishëm ku mbetën të vrarë dhjetëra persona dhe të plagosur dhjetëra të tjerë, ka goditur Italinë qendrore në orët e para të mëngjesit të sotëm. Tërmeti 6 ballësh u pasua nga një varg tërmetesh të tjerë jo aq të rrezikshëm, por gjithsesi të frikshëm.
Mes banorëve që kanë përjetuar tmerrin në këto orë ka qenë edhe ish-konkurrentja e “Big Brother Albania”, Alba Çobaj. Ajo ndodhej në Rimini bashkë me të dashurin e saj. Alba ka thënë se i ka përjetuar shumë keq tërmetet, aq sa po druhej për jetën e saj.
“18 tërmete deri tani, rresht, sigurisht nuk janë asgjë para atij 6 ballë që shembi shtëpi e vrau njerëz dhe na bëri të ndjenim rrezik për jetën. Në këto raste e kupton që jemi totalisht të pafuqishëm para këtyre gjërave. Thanks God we are alive”, shkruan Alba në postimin e saj në ‘Facebook’.
Ministria e Jashtme shqiptare shprehet se po ndjek nga afër situatën në vendin fqinj, duke theksuar se nga informacionet e deri më tanishme rezultojnë të ketë 5 shqiptarë të lënduar. Ambasada shqiptare në Itali vë në dispozicion një numër telefoni të emergjencave +39 3420498192 për të gjithë shqiptarët që ndodhen në zonën ku ka rënë tërmeti në Italinë qëndrore.
