2020 nuk ishte viti më i bukur i pjesës më të madhe të njerëzve, të tjerë mezi po presin 2021, por Luana Vjollca është tek ata pak njerëz për të cilin ky vit ka qenë plot suksese.
E sot 2 ditë para ndërrimit të viteve Luana ka arritur edhe një tjetër rekord, duke u bërë moderatorja më e ndjekur shqiptare në Instagram me plot 2 Milionë followers.
Luana ka ndarë një foto me ndjekësit në Instagram, ku ka dhënë lajmin e bukur, teksa ka realizuar edhe një giveaway shpirtëror, që vetëm ajo di t’i realizojë. Bukuroshja bjonde ka ftuar ndjekësit e saj të bëjnë tag veten ose një person tjetër dhe ajo do zgjedhë në mënyrë rastësore 3 prej tyre të cilët do e kalojnë ditëlindjen me të.
View this post on Instagram
“Shiko kush luan” është padyshim një nga emisionet më të suksesshme që i ka rezistuar kohës dhe do vijojë ende të jetë nga të preferuarat e publikut. Edhe ky sezon ka qenë super i bujshëm me të ftuar interesant që kanë thënë shumë të pathëna dhe na kanë argëtuar çdo të shtunë me lojëra të shumta.
Ashtu si 2020, ashtu edhe 2021 do e nisim pikërisht me Luanën, pasi “Shiko kush luan” do transmetohet të premten të orën 21:00, pikërisht më datë 1 janar 2021.
Ishte vetë moderatorja ajo që e ndau lajmin e bukur me ndjekësit në Instagram, ku ka publikuar një video shumë të lezetshme. E veshur si një Babagjyshe, Luana shkon në shtëpinë e dy kapitenëve Florjan Binaj dhe Rezart Veleshnja për tu dhuruar pakot e saj.
Në video shfaqet edhe Xhoda, duke na lënë të kuptojmë se do jetë edhe ai pjesë e kësaj puntate. Kujtojmë se Xhoda ishte për disa episode pjesë e “Shiko kush luan”, si kapiten i skuadrës blu, duke zëvendësuar Rezin.
View this post on Instagram
“Shiko kush luan” u rikthye në ekran me sezonin e ri të shtunën e fundit të shtatorit. Ishte parashikuar që Luana të sillte spektaklin më të ri “Take me out”, por fansat “e detyruan” që ajo të rikthente si fillim emisionin argëtues.
Një ditë pas puntatës së parë, moderatorja ka treguar se çdo ditë të javës na pret një “after party” që mund ta shihni në kanalin e saj në You Tube.
“After party i Luanës” konsiston në intervista disaminutëshe për të ftuarit e të shtunës, ditën kur transmetohet emisioni, të cilat publikohen në You Tube me parimin “një intervistë çdo ditë të javës.”
Tre muaj pas nisjes së sezonit të ri, “After Party” na ka falur shumë skena gazmore, rrëfime dhe të pathëna nga figurat publike, që kanë marrë disa qindra mijëra klikime.
Ndërkohë, Luana ka njoftuar disa javë më parë se kanali i saj i You Tube ka kaluar 100 mijë subscribers dhe këtë ia ka atribuar “After Party”. Nëpërmjet një postimi në Instagram, ajo ka bërë me dije lajmin e bukur, tepër e lumtur.
