Mbrëmjen e djeshme Beatrix Ramosaj u kthye me një këngë të re pas 3 vitesh shkëputjeje nga muzika. Mirëpo, ajo që mori vëmendjen e të gjithëve ishte prania e Eugent Bushpepës në videoklip.
Ose më saktë skenat e nxehta mes tyre. Fillimisht nga fotot e postuara prej këngëtares u mendua se ata do vinin në bashkëpunim.
Por, jo! Rezultoi se Genti vetëm kishte kompozuar këngën dhe sigurisht ishte protagonist në klip.
Ditën e sotme në një postim në Instagram, Beatrixi shkruante se ky projekt do të thotë gjithçka për të teksa shkruante për këngëtarin:
Eugent Bushpepa ishte privilegj për mua të të kisha pjesë të këtij krijimi që për mua do të thotë shumë. Pjesëmarrja jote në të do te jetë njeë nga kujtimet më të bukura për mua.
View this post on Instagram
Mirëpo, ai që po bën lëmsh mediat dhe fansat është një postim i Oriola Marashit. Teksa ka suportuar shoqen e saj për këngën e re në Instastory, modelja shkruan “Çifti më i mirë.”
Këto fjalë kanë ngritur goxha dyshime, teksa në klip duket qartë se mes tyre ka kimi. Por, nuk ka asnjë fakt tjetër që të na e vërtetojë këtë.
Madje kujtojmë se prej shumë vitesh Genti bashkëjetonte me një vajzë të quajtur Andia, me të cilën ka thënë në intervista të ndryshme se planifikon të bëhet baba.
Asaj i dedikohet kënga “Mall”, me të cilën artisti Eugent Bushpepa fitoi Festivalin e 56-të të Këngës në RTSH.
Mirëpo, dy javë më parë në një intervistë për Ardit Gjebrean ai tha se ka nisur një lidhje të re prej një viti, pa na zbuluar detaje të tjera.
Sakaq, Beatrixi i ka dhënë fund një lidhjeje të gjatë dhe nuk dimë se çfarë bëhet me të. Ajo dhe Eugenti kanë qenë miq prej kohësh dhe derisa njëri prej tyre të reagojë çdo gjë mbetet me “?”.
