Megjithëse shpesh shohim vetëm vajzën e saj të vogël në rrjete sociale, këngëtarja Fjolla Morina është gjithashtu nënë e një vajze nga një marrëdhënie e mëparshme.
Ajo quhet Lediana dhe jeton me të atin e saj, ndërsa shpesh takon edhe të ëmën dhe kalon kohë me të.
Të rralla janë rastet kur Fjolla ndan foto të së bijës në rrjete sociale, ndërsa me foton e fundit na befasoi të gjithëve! Duket se vitet kanë kaluar shpejt dhe Lediana është bërë tashmë një zonjushë e bukur që s’i ka lënë gjë të ëmës.
“Jeta ime, mbretëresha ime”- shkruan Fjolla krahas postimit ku ndan me krenari foton e së bijës.
Lediana qëndroi me të ëmën gjatë dënimit të saj në Kukës me arrest shtëpie.
Pak ditë më parë në mediat rozë u shpërnda me shpejtësi lajmi se Fjolla Morina dhe Fisnik Syla ishin martuar. E gjithë kjo nisi për shkak të një postimi në rrjete sociale, ku dyshja shihej se e kishin ndryshuar statusin duke e bërë “Të martuar”. Mirëpo këto aludime nuk janë të vërteta, sepse Fjolla dhe Fisnku nuk e kanë kurorëzuar ende dashurinë e tyre.
Prive ka mësuar se dyshja nuk janë celebruar e as nuk kanë organizuar në fshehtësi ndonjë dasmë. Ata e kanë ndryshuar statusin në rrjete sociale, sepse ndihen si të martuar. Fjolla dhe Fisniku kanë vendosur që ta ndërmarrin këtë hap të madh, vetëm pasi të qartësojnë çështjet ligjore që janë hapur nga organet e drejtësisë, pasi këngëtarja u kap me një armë zjarri në Morinë disa muaj më parë. Dita e martesës nuk do të jetë e largët për ata, por nuk ka ardhur ende.
Ndërkohë Fjolla e ka marrë propozimin për martesë nga Fisniku kohë më parë. Biznesmeni e surprizoi këngëtaren në mënyrën më të bukur, duke i propozuar me një unazë diamanti dhe një tufë të madhe me trëndafila ku mes tyre ishte formuar shkronja F me disa trëndafila të bardhë.
