Ata janë çifti më i madh në industrinë e muzikës. Por ndërkohë që mediat flasin për një krizë në marrëdhënien e tyre, Beyonce dhe Jay Z vendosën që të kombinohen me kostume të njëjta të hënën, në premierën e filmit “Hands of stone”, në Nju Jork, ku dukeshin më të dashuruar se kurrë.
Këngëtarja 34-vjeçare dhe reperi 46-vjeçar kaluan në tapetin e kuq, përshëndetën mikun e tyre, Usher (i cili luan në film) dhe realizuan disa foto me kastin e aktorëve të filmit. Beyonce pozoi në foto duke qeshur ndërsa burri i saj Jay Z, i hodhi krahun butësisht mbi supe.
Ylli i “Drunk in love” kishte veshur taka gri, flokët i kishte gjysmë të kapura dhe kaçurrela, ndërsa kishte zgjedhur një xhaketë ngjyrë gri dhe një fund të shkurtër që nxirrte në pah këmbët e tonifikuara. Ndërkohë Jay Z me një këmishë të bardhë dhe pa kravatë, ishte i veshur gjithashtu me një kostum gri.
*Shfleto galerinë
