Në fillim të vitit u raportua se Hande Erçel dhe Murat Dalkılıç kishin vendosur të lidhin kurorë dhe mediat turke raportuan edhe datën e martesës. Sipas tyre Hande dhe Murat do të martoheshin në javën e dytë të korrikut.
Asokohe mediat shkruanin se çifti mezi po priste të kurorëzohet dhe po numëronte ditët dhe se dasma do të mbahej në Stamboll e Hande kishte kërkuar që ceremonia të jetë sa më e thjeshtë.
Mirëpo, gjërat nuk shkuan si duhet dhe ata u ndanë. Ishte Hande ajo që ka konfirmuar zërat me anë të një Instastory, ku shkruante se ndarja ka qenë në mënyrë miqësore dhe kërkonte ta respektojnë këtë vendim.
Aktorja nuk dha arsye pse ka ndodhur kjo, por shprehet se Murati është një njeri i çmuar e i dashur për të.
E kur të gjithë po flasin rreth lidhjes së saj me Kerem Bursin, një lëvizje e këngëtarit e bërë së fundmi ka ngjallur shumë polemika.
Ai e ka hequr atë nga Instagram dhe nuk e ndjek më, kurse Hande vijon ta ketë në listën e personave që ndjek.
Nuk dihet se ka se u nxit ky veprim, por mediat e huaja shkruajnë se ai nuk mund të shohë më Handen dhe Keremin bashkë dhe ka shkuar drejt këtij veprimi.
Disa ditë më parë rrjeti u pushtua nga disa foto të Handes, të cilat ajo i ndau me ndjekësit në rrjetet sociale ku shihej në shtëpinë e saj.
Detajistët kanë vënë re se në foto duket kapelja e tij. Nëse e shihni me kujdes ajo duket në xham:
Keremin e kemi parë disa herë me këtë kapele, ndër të tjera edhe në një video live që ka realizuar me Handen.
Nuk e dimë se ç’kanë për të thënë tani, pasi çdo herë janë shprehur se janë thjesht shumë profesionalë.
