Para pak kohësh aktori me origjinë shqiptare, Can Yaman, që jeton në Turqi, vizitoi Italinë dhe “çmendi” gjithë fansat italianë. Pavarësisht se ishte kulmi i pandemisë, fansat u mblodhën të gjithë në rrugë për të takuar nga afër Can dhe për të bërë foto me të. Më pas ai u shfaq në një emision së bashku me kolegen e tij, Demet Ozdemir, dhe për intervistat që dhanë u paguan sa qimet e kokës. (Kliko)
Mirëpo Can duket se nuk ka udhëtuar pa arsye drejt Italisë, sepse ai pritet të nisë një projekt të ri në shtetin fiqinj. Së fundmi është mësuar se Lux Vide, shtëpia historike e prodhimit të filmave në Itali, do të nisë xhirimet për një version të ri të “Sandokan’. Dhe gjejeni pak kush do e luajë rolin e Sandokan? Can Yaman, dora vetë!
Miniseriali historik, “Sandokan”, është transmetuar për herë të parë në vitin 1976 dhe theu rekorde audience asokohe me mbi 27 milionë shikime. Përveç Can Yaman në film do të luajë edhe Luca Argentero, i cili do të ketë rolin e krahut të djathtë të Sandokan-it, i njohur si Yanez. Ndërkohë zonjusha Marianna, nuk është zgjedhur ende.
“Është një projekt i ri, ende në zhvillim e sipër. Është një foshnje (projekti) ende i porsalindur. Jam krenar që marr pjesë në një projekt ndërkombëtar si ky”, është shprehur Can Yaman në lidhje me këtë projekt të ri.
Can Yaman ka luajtur në disa filma të njohur si “Një puthje në errësirë”, “Hëna e plotë”, “Zotëria i gabuar”.
