Ledri Vula paralajmëroi para pak ditësh se ishte gati të sillte projektin më të ri muzikor. Ai publikoi një video në Instagram, duke ndarë në këtë mënyrë edhe pak sekonda nga kënga më e re me fansat e tij.
“I need you”, shkroi Ledri, mirëpo nuk dha asnjë detaj tjetër.
View this post on Instagram
Ndërsa ditën e sotme reperi ka shuar kureshtjen e e të gjithëve dhe ka tregaur se çfarë duhet të presim dhe kur do të vijë kënga e re. Ai ka treguar se kënga do të mbajë titullin “Sot” dhe Ledri do të shoqërohet në videoklip nga një bionde seksi. Bëhet fjalë për modelen Ergi Bardhollari, e cila duket se do të jetë protagoniste në klipin e reperit.
Në foton që ai ka postuar në Instagram shihet i ulur në një cep të një krevati, ndërkohë që në krahun tjetër shihet modelja. Ky projekt muzikor do të publikohet ditën e premte në orën 20:00 dhe fansat kanë nisur numërimin mbrapsht.
Kjo është kënga e parë që Ledri publikon që nga momenti që është bërë baba i një vajze, që është pagëzuar me emrin Poem Blu. E vogla erdhi në jetë rreth 1 javë më parë dhe reperi nuk ngurroi aspak që të publikonte një foto të portretit të saj. Ndonëse Poema është ende shumë e vogël, fansat e kanë gjetur që tani se me kë ngjan më shumë. Ka qenë një foto e reperit kur ai ishte i vogël që ka nxjerrë në pah ngjashmërinë e tij me të bijën.
